redesignkurs

Beskrivelse:

Dette er eit kurs for deg som kan sy, og ynskjer å bli meir kreativ og ta i bruk det som berre blir liggande  i garderoben din. Redesign handlar ikkje nødvendigvis om størst mogleg forandring, men er ein måte å ta vare på og bruke opp plagg ved å ta det i bruk igjen. 

Alle deltakerane tar med det prosjektet eller plagget/ plagga dei vil redesigne. Dette kan vera alt frå ein gamal duk til avlagte klesplagg, eit mislykka strikkeprosjekt,  skalljakke- kva som helst de har heime og enno likar, men som har utspelt si rolle eller funksjon.

Eg startar med å vise døme på plagg eg har redesigna for å vise korleis eg tenker og gi nokre grunnleggande idear.

Så tar me ein runde der alle viser fram det dei har med og om de har idear sjølv eller om me i fellesskap kjem på noko fint og funksjonelt som kan løfte plagget og gjera at det kjem i bruk att. 

Så set alle i gang med sitt prosjekt. Eg hjelper så godt eg kan, og om ikkje alle blir ferdige, går de heim med mange idear og teknikkar for å oppnå dette heime.

Passar for:

Deg som allereie har grunnleggande syferdigheiter, ingen øvre eller nedre aldersgrense;) Dersom du er heilt ukjent med symaskin, meld deg på nybegynnerkurs symaskin fyrst:)

Ta med:

Symaskin de kjenner og det utstyret de vanlegvis bruker når de syr. 

Prosjekt(er) du vil ha hjelp til og jobbe med

Praktisk informasjon:

Kvar?

Kurset blir halde i mitt atelier i 4. etasje på Elefant workspace og i fellesområdet rett utanfor.

Adressa er Erfjordgata 8, på Storhaug i Stavanger. Det står Askegården over inngangsdøra. 

Bil:

Det er gratis parkering langs bygget i Erfjordgata 8.

(Om du ikkje får plass her, er det soneparkering utanfor. Sone 11 i Taugata og Erfjordgata i tidsrommet 8- 18 på kvardagar og 8- 16 laurdag. 2 timar gratis i Johannesgate på nedsida. Også parkeringsplass med betaling i Johannesgate på andre sida av bygget.)

Buss:

Nr 1 og 4 stoppar på busstoppet Kjelvene like ved.

Liten skrift:

Ved avmelding seinare enn ei veke før kurset, har du ikkje krav på refusjon. Dersom kurset må avlysast på grunn av sjukdom hjå kurshaldar eller annan uforutsett hending på arrangørs side, vil du få pengane attende.